[right]المذيع : مساء الفل يا أفعى منور
اورتن : مساء الفل يا ريس اتفضل ابتدى الحوار انت هتصاحبنى و لا ايه ؟
المذيع : كنا عايزين نسألك أنت ليه كنت هادى كده و حبوب طول السنة اللى فاتت و محدش سمع لك حس يعنى ؟
الأصوات اللى دماغك و الصداع المزمن ماسكك برضه ؟ ههههههههههههههههه
اورتن : نعم ؟
المذيع : قصدى يعنى كنت دايما تعمل قلق كده و كهربا فى الجو و مشاكل و تجر فى شكل زمايلك
ماشفناش حتى الكلبشات بتاعتك السنة دى ؟
اورتن : يا بنى خلاص بقى الكلام ده كان فى مرحلة الانتشار و سيبناه خلاص للجيل الجديد
المذيع : أومال حضرتك فى مرحلة ايه دلوقتى ؟
اورتن : و أنت مالك ياض ؟ أنا مش عارف أنت واخد عليا أوى كده ليه , آهو أنا لو كنت فى مرحلة الانتشار دلوقتى مكنتش سكتت لك
المذيع : طب تمام الحمد لله ربنا عالم بحالى .. طب عايزين نسأل حضرتك ليه طلعت تستقوى ع الواد الغلبان كريستيان و تاخد منه الحزام و هو ماكملش معاه أسبوع ؟
اورتن : هو اللى جابه لنفسه .. بصراحة بقى أنت عارف إيدج صاحبى و حبيبى من زمان و كنا فريق واحد
تخيل الواد كريستيان قليل الأصل يروح لابس الحزام عند كشرى أبو طارق و هو عارف كويس أوى
أن إيدج راشق هناك علطول مع البنات
المذيع : بنااااااااااات ؟ أول مرة أعرف الكلام ده عن الأستاذ إيدج .. طب و ده بيبقى الساعة كام و أيام ايه ؟
اورتن : لم نفسك بدل ما أشردك
المذيع : احم احم .. خلاص اتفضل حضرتك
المذيع : بس يا عم .. كريستيان راح بالحزام هناك و أول ما البنات شافوه جريوا عليه يتصوروا معاه و سابوا الواد إيدج خالص
المذيع : ياااااااااه .. دول حتى ولاد محافظة واحدة
اورتن : محافظة واحدة !
المذيع : آه يا عم محافظة كندا القمح .. المهم و بعدين ؟
اورتن : بس إيدج حكى لى و اتفقنا نقلب الواد كريستيان فى الحزام اللى فرحان بيه ده و حلفت ما أخلليه يلمسه تانى
المذيع : ياااااااااه .. و مستر إيدج كان بيطلع يعمل صاحبه كل عرض و هو اللى عامل فيه الملعوب .. ده كده بقى الصاحب ميأمنش لصاحبه .. صحيح زمن غدار
اورتن : تصدق أنا مستنى الحوار يخلص
المذيع : ليه حضرتك وراك رانديفو ؟
اورتن : أنت مواليد سنة كام ؟ و معاك ابتدائية ؟
المذيع : حضرتك عندك عروسة ليا ؟
اورتن : شايفنى بشتغل خاطبة ياض ؟ كمل الحوار بأدبك خلليك تروح لعيالك سليم النهاردة
المذيع : ما قلنا مش مرتبطين يوووووه .. المهم .. بس فى مرة كريستيان كسب الحزام فاكر ؟
اورتن : آه ما هو عشان اكتشف الملعوب و ساعتها راح قال لى اخص عليك و عمل اللى عمله روحت أنا ضربته و حصل ال DQ و كسب الحزام .. بس دى كانت اول و آخر مرة
المذيع : ياه تصدق فعلا دلوقتى بس فهمت هو ليه عمل فيك كده فجأة وسط الماتش .. بس حضرتك يعنى عملت ده كله لوجه الله و عشان خاطر صاحبك ؟ أكيد أنت استفدت برضه و طلعت لك بمصلحة من الحوار ده
اورتن : اخرس يلا شايفنى قليل الأصل ؟
المذيع : أصل أنا فى مصادر مؤكدة و موثوق منها عرفت أن حضرتك بتاكل مع البنات يومينفى الأسبوع فى كشرى أبو طارق و ده بيكون على حساب إيدج .. و ده ابتدى يحصل من ساعة ما خدت الحزام من كريستيان أول مرة
اورتن : مصادرك المؤكدة الموثوقة ! بس لما الحوار يخلص .. عموما كل دى اشاعات لا ليها دليل و لا اثبات على رأى الست سميرة سعيد .. انجز
المذيع : طب سؤال أخير قبل ما ننقل على العداوة اللى بعدها .. ليه حضرتك طلعت لسانك زى الأهبل كده وجت لك زى لوسة عقلية بعد ماتش كريستيان ده ؟
اورتن : آه يا ......... طب معلش خللى السؤال ده للآخر عشان بيفكرنى بذكريات أليمة فى طفولتى
المذيع : حبيب قلبى معلش فى حياة كل واحد فينا ...
اورتن : ولااااااااا .. انجز بدل ما أنهى الحوار أنا ..
المذيع : خلاص خلاص اهدى يا كبير .. السؤال اللى بعده أنت ليه مسكت فى مارك هنرىبعد كده مش تلاعب اللى قدك أو أصغر منك زى الواد كودى كده ؟ههههههههههههههههههههه
اورتن : معلش نأجل السؤال ده كمان
المذيع : واضح إنى أحرجت حضرتك .. معلش أكل العيش مر كان لازم تقبل أحسن يرفدوك وماتعرفش تجيب للبت السيريلاك و ........... آآآآآآآآآآآآآآآآآآآآآآآآآآآه
RKO عنيفة جدا
اورتن : تعالوا شيلوا الأخ ده من قدامى قبل ما أعجنه .. ابعتوا لى حد مدارس لغات يكمل الحوار و يكون مؤدب و أهله مربيينه ع الغالى و بياكل هامبورجر وسوسيس
يأتى مذيع آخر
المذيع الجديد : معلش حضرتك اللى المذيع اللى قبلى عمله معاك امسحه فيا أنا .. حقك عليا و آدى راسك أبوسها
اورتن : اخرس ياض اقعد مكانك انجز عشان صدعت زيادة ما أنا مصدع
المذيع الجديد : تحت أمر حضرتك .. السؤال اللى بعد كده آخر سؤال و ده عشان مش عايز أتقل على حضرتك
اورتن : اتفضل يا بنى
المذيع الجديد : ما هو الدافع النفسى وراء عداوتك مع وايد باريت ؟
1-
الغيرة اللا شعورية المنبثقة من شعورك الداخلى بالجوع الساعة خمسة يوم الأربع
2-
الحقد الانسانى السيكوباتى الناتج عن عقدة و أنت فى الصف الثانى الاعدادى الترم الأول
3-
ثقتك فى قدراتك كأفعى معاصرة فى اتحاد معاصر يحترم جميع الأسئلة الواردة بكتاب المعاصر و لا يخرج عنها الامتحان ؟
اورتن : الله عليك .. آهو كده مذيع مثقف بصحيح و ابن ناس .. الاجابة الرابعة يابنى ان شاء الله عملة اليابان هى الدولار الافريقى مدبلج يابانى
المذيع الجديد : تماااااااااام يا أفعى اجابة صحيحة و طبعا حضرتك بتتبرع بالجايزة لضحايا مدرسة الأفعى الثانوية بنين بباب اللوق .. و شكرا يا أفعى على الحوار الجميل ده نورتنا فرصة سعيدة و نتمنى نشوف حضرتك تانى و كل سنة و حضرتك طيب
اورتن : و أنت طيب يا بنى كلك ذوق و شهامة و انسانية